কাব্য গাথা ---- [১২]
---- নতুন বছৰ -------
কিবা জানো দেখিলা?
পালা কি ?
চাকিৰ এলান্ধু দিনপঞ্জী
আঁতৰাই থলো ।
ফুটুকলানি ঢিপত বহি
যি সপোন মোৰ বেঙুনীয়া
জামুকীয়া ৰঙে, ওঁঠ দেখোন
বোলোৱাই নহ'ল ।
কাজল কাজল কজলা চকুত
ধুসৰ সন্ধিয়া
বেথাৰ বৰষুণ ।
মাত্ৰ এলান্ধুৱা দিনপঞ্জীখন
বেৰৰ পৰা আঁতৰাই থলো ।
------ মেঘালী ।
শেষৰো শেষ ঠিকণা অতীত বুলিবলৈ বাট লাখুটি এডালেই কেৰাচিন চাকি পোহৰৰ জুপুৰি এটা অতীত বুলিবলৈ কিনো আছে সাঁচতীয়া টোপোলাত কেইবাটাও ফুটা। ধুমুহাৰ বাউলী চুলি কিমান আমনি মেঘে ঢকা ঢেৰেকণি ভয়াবহ কিমান চকা - মকা বিজুলীয়ে কব গেজেপনি আন্ধাৰ কিমান জয়াল নৈঃশব্দতা পোহৰ বুলি এন্ধাৰৰ যাত্ৰা। শেষৰ খুটিত ধেনুভিৰীয়া জিৰণি য'ত মাত্ৰ এৰেহা কইতালিৰ পানী ছাঁই আৰু ধূলিৰ পৃষ্ঠা মাটিৰ আমি মাটিতে বিলীন কবৰত শেষ ঠিকনা।
Comments
Post a Comment