স্মৃতিৰ দুটামান স্তৱক
------------------------------- মেঘালী ৰাজকুমাৰী
( চিঠি)
বসন্তই তুলি ধৰা গুটি গুটি আখৰত
নৈ কাষৰীয়া শিমলু ফুলে
সৰিয়হ ফুলা হেঁপাহৰ আপাহত
বতাহৰ ভিৰ ঠেলি এতিয়াও ৰিঙিয়াই
ৰঙা বাকছত আহিনৰ চিঠি ।
( অনুভৱ )
শেৱালি ৰাতি তৰা ভৰা আকাশত
নীয়ৰৰ টুপ টুপ শৱদ
জোনাকী পৰুৱা এটি কঁপি কঁপি নাছি থাকে
কুঁৱলীৰ মায়াসনা বাটত ।
(আবেগ )
হেমন্তৰ ৰাতি পাটমাদৈ জোন
জোনাকীয়ে কৰে তাঁতবাতি
কিজানিবা লগ পাওঁ
কিজানিবা লগেই পাওঁ
বুকুত খুটিয়াই সোণালী পখী ।
(স্মৃতি)
মদাৰৰ ৰঙা পাহিত ফাগুনে উৰুৱাই
বিৰিণাৰ এডালি ঠাৰি
বাঁহৰ পাতত বহি বতাহী পখিলী
কাণ উনাই ৰয় এতিয়াও
------------------------------- মেঘালী ৰাজকুমাৰী
( চিঠি)
বসন্তই তুলি ধৰা গুটি গুটি আখৰত
নৈ কাষৰীয়া শিমলু ফুলে
সৰিয়হ ফুলা হেঁপাহৰ আপাহত
বতাহৰ ভিৰ ঠেলি এতিয়াও ৰিঙিয়াই
ৰঙা বাকছত আহিনৰ চিঠি ।
( অনুভৱ )
শেৱালি ৰাতি তৰা ভৰা আকাশত
নীয়ৰৰ টুপ টুপ শৱদ
জোনাকী পৰুৱা এটি কঁপি কঁপি নাছি থাকে
কুঁৱলীৰ মায়াসনা বাটত ।
(আবেগ )
হেমন্তৰ ৰাতি পাটমাদৈ জোন
জোনাকীয়ে কৰে তাঁতবাতি
কিজানিবা লগ পাওঁ
কিজানিবা লগেই পাওঁ
বুকুত খুটিয়াই সোণালী পখী ।
(স্মৃতি)
মদাৰৰ ৰঙা পাহিত ফাগুনে উৰুৱাই
বিৰিণাৰ এডালি ঠাৰি
বাঁহৰ পাতত বহি বতাহী পখিলী
কাণ উনাই ৰয় এতিয়াও
Comments
Post a Comment